0727 - 0728 宇宙船 扭蛋劇場 還有什麼可以送給你

A: 係咪話有...

0727 - 0728 宇宙船 扭蛋劇場 還有什麼可以送給你

A: 係咪話有禮物送話？
N: 我係承諾過，只不過……
A: 只不過？
N: 我亦都承諾過一定走數！亦都係我講過嘅說話，講過亦都要守承諾。
A: 係你講㗎咩？
N: 我心入面講！

A: 由佢囉咁。
N: 我唔係唔守承諾呀！我係為咗守承諾，先唔守承諾喳！
A: 梗係啦~梗係啦~明㗎喇。
N: 明就明。你可唔可以出個post話我守咗承諾呀？然後你hashtag #明就明 咁吖。
A: 吓?
N: 你咁好人，將來一定做到業主。
A: 乜好人就做到業主㗎喇咩？
N: 我包你做到業主。

A: 點包呀？
N: 咩包呀？
A: 你話你包我做到業主。
N: 唔係唔係唔係，我唔係話包，我係話proud！我proud你做到業主。
A: 我？我未係業主。
N: 唔係唔係唔係，霸業……霸業嘅業主。
A: 真係唔該晒……

N: 我set啲獎金，咁多年後，終於有人攞到，係咩感覺呀？
A: 我覺得攞住哩個獎金，應該就做唔到業主囉……其實係咪減咗啲？
N: 因為有時做人同劍撃一樣囉，有時唔可以係咁進攻，見冇乜著數嘅時候，就要退㗎喇。
A: 吓？你咁做人。
N: 係幾講求策略。

---